Presidenti amerikan, Donald Trump, ka thënë se ShBA-ja do të punojë me Iranin për të gërmuar dhe për të hequr uraniumin e varrosur në vend, në një postim në rrjetet sociale që erdhi ndërsa filloi një armëpushimi dyjavorë.

“Shtetet e Bashkuara do të punojnë ngushtë me Iranin, për të cilin kemi përcaktuar se ka kaluar atë që do të jetë një Ndryshim Regjimi shumë produktiv! Nuk do të ketë pasurim të Uraniumit, dhe Shtetet e Bashkuara do të, duke punuar me Iranin, të gërmojnë dhe të heqin të gjithë ‘Pluhurin’ bërthamor të varrosur thellë (Bombarduesit B-2)”, ka shkruar Trumpi në një postim në “Truth Social”.

Trumpi, gjithashtu ka thënë se lehtësimi i sanksioneve për Iranin do të diskutohet dhe se shumë aspekte të një plani me 15 pika tashmë janë rënë dakord. Presidenti dhe Teherani kishin thënë më parë se një plan me 10 pika i paraqitur nga iranianët do të shërbente si bazë për bisedimet.

“Ne po diskutojmë dhe do të diskutojmë tarifat dhe lehtësimin e sanksioneve me Iranin. Shumë nga 15 pikat tashmë janë rënë dakord”, ka shkruar Trumpi.

Në një postim të dytë këtë të mërkurë, Trumpi ka paralajmëruar se çdo vend që furnizon Iranin me armë do të përballet me tarifa.

“Një vend që furnizon Iranin me armë ushtarake do të tarifohet menjëherë, për çdo dhe të gjitha mallrat e shitura në Shtetet e Bashkuara të Amerikës, me 50 për qind, në fuqi menjëherë. Nuk do të ketë përjashtime apo lehtësime!”, ka shkruar Trumpi.