Donald Trump ka zbritur nga Air Force One dhe është pritur nga princi i kurorës së Arabisë Saudite.

Kjo shënon fillimin e vizitës së tij kryesore tre-ditore në Lindjen e Mesme, në të cilën ai do të vizitojë gjithashtu Katarin dhe Emiratet e Bashkuara Arabe.

Trump është përshëndetur nga princi Mohammed bin Salman, me anëtarët e kabinetit të tij, shkruan Skynews.

Bëhet e ditur se autokolona e Trumpit do të udhëtojë nga aeroporti në Oborrin Mbretëror të Arabisë Saudite ku do të ketë një ceremoni pritjeje.

Më pas, presidenti amerikan do të pijë kafe me princin dhe personalitete të tjera.

Gjithashtu, do të zhvillohet një takim dypalësh mes delegacioneve amerikane dhe saudite.

Ndryshe, në fund të ditës, Trump do të marrë pjesë në një darkë shtetërore luksoze në Riad.