Presidenti amerikan Donald Trump i ka thënë një dhome plot me drejtues ekzekutivë në samitin e Bashkëpunimit Ekonomik të Azi-Paqësorit (Apec) në Korenë e Jugut se beson se SHBA-ja “do të ketë një marrëveshje” me Kinën dhe se do të jetë “një marrëveshje e mirë për të dyja shtetet”.

Presidenti i SHBA-së do të takohet me homologun e tij kinez, Xi Jinping, të enjten, për diskutime të shumëpritura mbi luftën tregtare mes vendeve të tyre. Takimin tashmë e ka konfirmuar edhe Pekini zyrtar.

Trumpi do të takohet gjithashtu me presidentin e Koresë së Jugut, Lee Jae Myung, i cili është nën presion për të finalizuar një marrëveshje tregtare.

Ai është pritur në Korenë e Jugut me shumë bujari, ku Lee i ka dhënë nderin më të lartë të vendit, Urdhrin e Madh të Mugunghëa, për “kontributin e tij në paqen në gadishullin Korean”.

Mbërritja e Trumpit u parapri nga provat e raketave të Koresë së Veriut.

Presidenti amerikan ka shprehur interes për t’u takuar me udhëheqësin e Koresë së Veriut, Kim Jong Un, por më vonë ka thënë se ata nuk mund të “bien dakord për një kohë”.