Trumpi publikon sot vendimin e tij për marrëveshjen bërthamore me Iranin

08 maj 2018 | 11:01

Presidenti i Shteteve të Bashkuara të Amerikës (ShBA), Donald Trump do të njoftojë sot nëse Uashingtoni do të tërhiqet nga marrëveshja bërthamore me Iranin.

Përmes një postimi në llogarinë e vet në “Twitter”, presidenti amerikan, të hënën ka njoftuar se do ta bëjë publik vendimin e tij lidhur me këtë çështje, të martën në orën 14, sipas kohës lokale në Uashington.

“Do të njoftoj për vendimin tim mbi marrëveshjen me Iranin nesër nga Shtëpia e Bardhë në orën 14”, ka shkruar Trumpi.

Presidenti amerikan është kritikues i marrëveshjes së arritur më 2015, në mes të Iranit dhe fuqive botërore, e cila i mundëson Teheranit lehtësim të sanksioneve në këmbim të frenimit të programit bërthamor.

Trumpi kishte kërkuar që fuqitë evropiane, nënshkruese të kësaj marrëveshjeje, që janë përmirësojnë, ato që ai i cilëson “të meta të tmerrshme” të paktit.

Ai ka thënë se Irani ka shkelur “shpirtin e marrëveshjes”.

Ndërsa presidenti iranian, Hassan Rohani më herët ka paralajmëruar Shtetet e Bashkuara se “do të pendohen” nëse tërhiqen nga marrëveshja bërthamore.

Lajme të sponsorizuara

Të fundit
Ushtruesja e detyrës së drejtoreshës në Institutin e Kosovës për…