Gjatë paradës ushtarake “Forcat e Unitetit” në Beograd, pjesëtarët e Forcave të Armatosura Serbe përshëndetën studentët që u penguan nga policia të merrnin pjesë në këtë ngjarje, shkruajnë mediat serbe. Pamjet u përhapën me shpejtësi në rrjetet sociale.

Policia i shtyu studentët dhe disa nga qytetarët, të cilët ishin mbledhur në rrethrrotullimin në Beogradin e Ri, drejt Pallatit të Serbisë dhe i mbajti nën kontroll. Të rrethuar plotësisht nga forcat policore, qytetarët bërtitën: “Ushtria, ndihmë”.

“Ne po qëndrojmë në vend, po na shtyjnë nga trotuari. Një burrë i urdhëron të na shtyjnë. Ne erdhëm si qytetarë të zakonshëm për të parë paradën, dhe ata nuk na lejojnë”, tha njëri nga qytetarët, duke shtuar se ai ishte djali i një piloti ushtarak.

Grupi okupljenih građana i studenata koji viču "vojska uz studente" u više navrata mahali su učesnici vojne parade pic.twitter.com/oTPmnLyZhB

— Mašina (@MasinaRS) September 20, 2025

Një qytetare tjetër, të cilës gjithashtu nuk iu lejua të kalonte, tha se ishte gruaja e një ushtari.

Qytetarëve që u sollën me autobusë nga qytete të tjera iu dha qasje e papenguar.

Parada e madhe ushtarake “Forca e Unitetit” u mbajt sot në Beograd, me parashutistë që kërcyen nga një helikopter H-145 nga një lartësi prej 1,500 deri në 2,000 metrash. Gjatë paradës, vizitorët mundën të shihnin fluturime të avionëve luftarakë francezë Rafale, helikopterë të Ministrisë së Brendshme dhe një numër fluturimesh të avionëve serbë, duke përfshirë “Mig-29”, “Eagles” dhe “Superseagulls”.

Për herë të parë, u shfaq sistemi raketor izraelit PULS dhe mjeti ajror pa pilot Hermes 900, ndërsa dronët vetëvrasës Shadow-25 dhe Shadow-50 ishin gjithashtu midis sistemeve pa pilot. Gjithashtu, shfaqet sistemi rus i luftës elektronike “Krasukha”.

Ово њих боли
Ово су хтели да спрече
Војска поздравља народ pic.twitter.com/pwNc8DCNR4

— Studenti Singidunuma (@singistudenti) September 20, 2025