“Twitter” lejon personelin të punojë nga shtëpia, mbase “përgjithmonë”

13 maj 09:10

Lajm i mirë nëse jeni punonjës në “Twitter”. Ndoshta kurrë nuk do t’ju duhet të ktheheni përsëri në punë.

Kompania, e cila është me seli në San Francisko, thotë se fuqia e saj punëtore prej rreth 5 000 njerëzve ka punuar nga distanca që nga fillimi i marsit.

Marrëveshja ka funksionuar aq mirë saqë “Twitter” thotë se do të ishte e gatshme t’i linte ata të vazhdojnë, nëse rolet e tyre e lejojnë këtë.

“Ne ishim të pozicionuar në mënyrë unike… të lejojmë që njerëzit të punojnë nga shtëpia. Muajt ​​e fundit kanë dëshmuar se mund ta bëjmë atë punë.

Pra, nëse punonjësit tanë janë në një rol dhe situatë që u lejon atyre të punojnë nga shtëpia dhe ata duan të vazhdojnë ta bëjnë këtë përgjithmonë, ne do ta bëjmë atë të ndodhë”, i tha drejtori Jack Dorsey punonjësve në një e-mail.

Për punonjësit e tjerë që nuk mund ta kryejnë punën e tyre përgjithmonë nga shtëpia, kompania thotë se ka të ngjarë t’i hapë zyrat e saj deri në fund të vitit, por jo “para shtatorit”, raporton BBC, transmeton Klan Kosova.

“Twitter” ka 35 zyra në të gjithë botën, përfshirë në New Delhi, Londër dhe Singapor.

Kompanitë si “Facebook” dhe “Google” gjithashtu u kanë thënë shumicës së stafit të tyre se mund të punojnë nga distanca për pjesën tjetër të vitit 2020.

Lajme të sponsorizuara

Të fundit
Sipas një studimi të ri të Universitetit të Kalifornisë, duhanpirësit…