Uashingtoni nuk dëshiron të bisedojë me talibanët

30 janar 11:29

Presidenti i Shteteve të Bashkuara, Donald Trump, ka thënë se Uashingtoni nuk dëshiron të negociojë me talibanët.

“Mund të vijë koha, por do të jetë shumë e gjatë”, ka thënë Trumpi në një takim me përfaqësues të Këshillit të Sigurimit të Kombeve të Bashkuara.

Ai këto komente i ka bërë pas disa sulmesh vdekjeprurëse që kanë goditur Afganistanin ditëve të fundit.

Të shtunën, një sulm masiv në Kabul ka lënë të vrarë mbi 100 veta dhe përgjegjësinë për të e kanë marrë talibanët.

Duke folur në Shtëpinë e Bardhë, Trumpi ka thënë se “do të përfundojë në Afganistan atë që duhet të përfundojë”.

Ai ka thënë se “njerëzit e pafajshëm po vriten, përfshirë fëmijë”, porse “nuk do të ketë bisedime me talibanët”.

Këtë muaj, disa amerikanë janë vrarë dhe plagosur në një betejë 13-orëshe me talibanët, në një hotel të Kabulit. (Rel)

Lajme të sponsorizuara

Të fundit
Kryesia e Kuvendit të Kosovës ka vendosur që gjatë ditës…