Presidenti ukrainas Volodymyr Zelensky i ka kërkuar Bashkimit Evropian (BE) të hënën “ta pranojë urgjentisht Ukrainën” në bllok, raporton “CNN”.

“Ne i bëjmë thirrje Bashkimit Evropian që të pranojë urgjentisht Ukrainën duke përdorur një procedurë të re”, ka thënë Zelensky në video-mesazhin e tij të fundit.

Ai është shprehur i sigurt se jo “është e mundur”.

“Ne u jemi mirënjohës partnerëve që qëndruan me ne. Por qëllimi ynë është të jemi me të gjithë evropianët dhe të jemi të barabartë me ta. Jam i sigurt që e meritojmë. Jam i sigurt se është e mundur”, ka thënë Zelensky.

Presidenti ukrainas ka folur të dielën me presidentët e Portugalisë, Lituanisë, Francës dhe Polonisë, si dhe kryeministrat e Belgjikës, Spanjës dhe Mbretërisë së Bashkuar për këtë çështje.

“Mbështetja e koalicionit tonë kundër luftës është e pakushtëzuar dhe e paprecedentë”, ka thënë Zelensky.