UNICEF-i dhuron donacion me pako higjienike për shkollat e Podujevës

14 janar 13:06

Organizata UNICEF ka dhuruar 93 pako higjienike, ku një pako përfshin 50 copë dezinfektues, dy termometra, 25 domostosë (zbardhues) dhe 50 copë sapun i lagët.

Pakot higjienike do të shpërndahen për 57 objekte shkollore të Komunës së Podujevës.

Donacionin e kanë pranuar nënkryetarja e Komunës së Podujevës, Marigona Lahu dhe drejtori i Arsimit, Avni Fetahu.

Me këtë rast nënkryetarja Lahu ka falënderuar UNICEF-in për donacionin dhe mbështetjen e deritashme për shkollat e komunës së Podujevës.

“Falënderoj UNICEFIN për donacionin dhe kontributin e vazhdueshëm në arsim. Mjetet higjienike kanë rëndësi të veçantë, sepse ndikojnë në ruajtjen e shëndetit të nxënësve dhe personelit arsimor në këto rrethana të vështira pandemike”, ka thënë nënkryetarja Lahu.

Shpërndarja e pakove do të bëhet sipas numrit të nxënësve.

UNICEF-i edhe më parë ka ndihmuar shkollat e komunës së Podujevës me mjete të ndryshme, që ndihmojnë në zhvillimin e procesit mësimor.

(Q.R / Epoka e re)

Lajme të sponsorizuara

Të fundit
Pas situatës meteorologjike e cila ka mbretëruar në vend ditëve…