Kandidati për kryetar të Prishtinës, Uran Ismaili, ka zhvilluar një takim me urbanistë të njohur të kryeqytetit për të diskutuar mbi gjendjen aktuale të sheshit “Xhorxh Bush” dhe idenë e tij për rihapjen e kësaj rruge për qarkullim.

Në takim morën pjesë urbanistët Driton Tafallari, Endrit Mecini dhe Eliza Hoxha, të cilët shprehën mbështetjen e tyre për propozimin e Ismailit, duke e cilësuar mbylljen e sheshit si një vendim të marrë pa konsultim paraprak dhe pa analiza të plota.

Postimi i plotë i tij në Facebook:

Sheshi Xhorxh Bush u mbyll pa asnjë punë përgaditore që do ta menaxhonte trafikun dhe do ta bënte qytetin gati për mbylljen e kësaj arterie të rëndësishme në qendër. 🛑🚧

Sot diskutova me Dritonin, Elizën dhe Endritin, ekspertë nga fusha e urbanizmit dhe planifikimit që ndanë kohë të flasin me mua për efektet negative të kësaj bllokade, dhe çmimin e lartë që po e paguan qytetari i Prishtinës. Është e qartë se udhëheqësia e tanishme e kryeqytetit i ka injoruar të gjitha rekomandimet e ekspertëve në lidhje me punët që duheshin bërë para mbylljes së sheshit.

Koha e eksperimenteve dhe e improvizimeve të tilla me kryeqytetin po përfundon. Koha për Prishtinën po vjen! ➡️ #HapeSheshin