URIME FESTA E FLAMURIT

27 nëntor 13:15

Nga Shefqete Gosalci

Aty, janë të gjitha dashnitë e lindjet, vajet, gëzimet, buzëqeshjet e ëndrrat, gjuha, këngët, dasmat, krismat, nuset e dhëndurët!
Në Të, janë dhimbjet, vdekjet, varret, heshtjet, stërgjyshërit e nipat, bëmat, rrënjët, rrugët, frymëmarrjet, flijimet, lavditë dhe rënjet e ngritjet e Kombit!
Aty, janë Heronjtë e Heroinat,
Aty, janë ninullat e djepet,
Aty, janë lotët dhe djersa,
Aty, janë luftërat, armët e amanetet,
Aty, është Besa,
Aty, janë urtësia e trimëria,
Aty, është Shteti dhe Ushtria,
Aty, janë hartat dhe vulat,
Aty, është Historia e ardhmëria,
Aty është Himni,
Aty, është Liria,
Aty, janë trojet, emrat dhe mbiemrat,
Aty, jemi të gjithë,
Aty, është Përjetësia,
Aty, është gjaku dhe ADN-ja shqip.
Aty, është Shqipnia.

Prandaj, ta duam, ta ruajmë, ta mbrojmë, ta dashurojmë e lartësojmë Flamurin tonë të bukur e të bekuar, me shqipen dykrenare, që përmbi fe e kem Atdhe.
Pas Tij…kë të doni!
Urime 28 Nëntori, vëllezër dhe motra kudo ku jeni nëpër botë!
Gëzuar!

28.XI.2021

Lajme të sponsorizuara

Të fundit
Kanë kaluar disa orë që nga rasti tragjik që ka…