“USAID-i ka qenë gjithmonë pranë popullit të Kosovës”

19 shkurt 15:10

Presidenti i Republikës së Kosovës, Hashim Thaçi, ka pritur në takim përfaqësuesin e lartë të zyrës së USAID-it për Evropë dhe Euroazi, Brock Bierman, i cili ka qenë i shoqëruar nga ambasadori amerikan, Greg Delawie dhe shefi i USAID-it në Kosovë, James Hope.

“USAID-i në dy dekadat e fundit ka qenë gjithmonë pranë popullit të Kosovës. Fillimisht në rimëkëmbje, në procesin e ndërtimit të institucioneve dhe në procesin e shtetndërtmit”, ka thënë Thaçi, duke u shprehur mirënjohës për punën e madhe që USAID-i ka bërë në Kosovë në të gjitha fushat.

Presidenti Thaçi ka thënë se përkrahja e gjithanshme që USAID-i ka dhënë për Kosovën gjatë kësaj periudhe ka qenë tejet e rëndësishme për vendin, dhe perspektivën e qartë të shtetit tonë.

Ndërsa përfaqësuesi i lartë i Zyrës së USAID-it për Evropë dhe Euroazi, Brock Bierman, ka siguruar presidentin Thaçi se kjo përkrahje do të vazhdojë edhe në të ardhmen në të gjitha fushat.

Në fund, presidenti Thaçi e ka falënderuar përfaqësuesin USAID-it, Bierman, për pjesëmarrjen në festimet e dhjetëvjetorit të pavarësisë së Kosovës.

Lajme të sponsorizuara

Të fundit
Ministri i Punës dhe Mirëqenies Sociale, Skender Reçica, udhëtoi  sot…