Uzuni shënon tjetër gol në Amerikë (Video)

31 gusht 2025 | 17:06

Myrto Uzuni po përjeton një sezon të shkëlqyer në Shtetet e Bashkuara.

Sulmuesi i Kombëtares shqiptare nuk ndalet së shënuari dhe këtë herë ka lënë gjurmë në fitoren 3-1 të Austin FC ndaj San Jose Earthquakes.

Titullar në formacion, Uzuni realizoi golin e dytë për skuadrën e tij në minutën e 33-të, duke treguar edhe një herë efikasitetin e tij para portës.

Ky ishte goli i pestë i tij në MLS, ku numëron gjithashtu tre asiste, duke u kthyer në liderin absolut të repartit ofensiv.

Kontributi i tij nuk ndalet vetëm në kampionat: Uzuni ka shënuar edhe dy gola në US Open Cup, duke konfirmuar se transferimi i tij te Austin FC ka qenë një goditje e saktë në merkato.

Në sezonin e parë në SHBA, sulmuesi shqiptar është kthyer në pikë referimi për klubin dhe në një prej emrave më të spikatur të MLS-së.

Austin FC vs. San Jose Earthquakes | Full Match Highlights

Lajme të sponsorizuara

Të fundit
Rusia ka vazhdar bombardimet e pamëshirshme kundër Ukrainës të dielën,…