Barcelona pësoi humbje të shtunën nga Levante (3-1), por Ernesto Valverde nuk e ka ndërmend të jap dorëheqje.

“Sigurisht që nuk po mendoj për këtë, është vetëm një humbje. Duhet të reagojmë, e bëjmë gjithmonë këtë dhe nuk do të jetë më ndryshe këtë herë. Qëllimi ynë ishte të përpiqemi dhe të arrinim golin e dytë, pasi morën epërsinë, por s’ishim në gjendje të rrezikonim mjaftueshëm. Na mungoi organizimi në pjesën e dytë dhe kishim pak kontroll në lojë”, ka thënë Valverde.