Për herën e 21 me radhë, deputetët e Kuvendit të Kosovës kanë dështuar sërish sot ta konstituojnë përbërjen e nëntë parlamentare, të dalë nga zgjedhjet e shkurtit.

Edhe në seancën e sotme nuk u arrit formimi i komisionit për mbikëqyrjen e votimit të fshehtë për kreun e ri të organit ligjvënës.

Pro këtij komisioni votuan 53 deputetë, një ishte kundër dhe nuk pati abstenim.

Seanca konstituive do të vazhdojë të martën, më 27 maj, në orën 11:00.