Paul Allen, i cili bashkëthemeloi kompaninë e teknologjisë Microsoft, vdiq në moshën 65-vjeçare.

Dy javë më parë, ai njoftoi se i është kthyer sëmundja e kancerit, të cilën e ka trajtuar në vitin 2009.

Bashkëthemeluesi i Microsoft-it, Bill Gates, ka thënë së është “zemërthyer nga vdekja e njërit prej miqve të tij më të vjetër dhe më të dashur”.

“Informatika personale nuk do të kishte ekzistuar pa të”, ka deklaruar Gates.

Allen u largua nga Microsoft-i në vitin 1983, pas një mosmarrëveshjeje me Gates.

Por, aksionet në kompani i mundësuan atij të jetojë jetën si miliarder.