Në shkrimin e AGK-së thuhet se Bacaj dha kontribut të rëndësishëm për më shumë se dy dekada.

“Asociacioni i Gazetarëve të Kosovës ka pranuar me pikëllim lajmin për ndarjen nga jeta të Robert Bacajt, punëtor shumëvjeçar i Radio Televizionit të Kosovës”.

“Bacaj dha kontribut të rëndësishëm në RTK për më shumë se dy dekada, duke shërbyer me profesionalizëm dhe përkushtim në realizimin dhe zhvillimin e produksionit televiziv. AGK u shpreh ngushëllimet më të sinqerta familjes Bacaj, kolegëve në RTK dhe të gjithë miqve e bashkëpunëtorëve të tij”, thuhet në shkrim.