Komuna e Shtimes ka i ka dërguar telegram ngushëllimi familjes Bislimi pas vdekjes së Isuf Bislimit, i cili humbi jetën në vendin e tij të punës.

Kryetari i Komunës së Shtimes, dr. Qemajl Aliu, në emër të institucioneve komunale, i ka shprehur ngushëllimet më të sinqerta familjes Bislimi për humbjen e më të dashurit të tyre.

Në telegram thuhet se lajmi për ndarjen nga jeta e Isuf Bislimit është pritur me pikëllim të thellë, ndërsa ai përshkruhet si një njeri i ndershëm, i urtë dhe punëtor, i cili ka lënë gjurmë të mira tek të gjithë ata që e kanë njohur.

Sipas komunës, i ndjeri shquhej për qetësinë, maturinë dhe respektin ndaj të tjerëve, duke qenë shembull i një qytetari të denjë me vlera të larta njerëzore.

“Në këto momente të rënda, ndajmë dhimbjen me familjen dhe u qëndrojmë pranë me mendje e zemër”, thuhet në mesazhin e ngushëllimit, ku njëkohësisht u shprehen ngushëllime familjarëve, miqve dhe të gjithë atyre që e kanë njohur të ndjerin.