Vedat Muriqi ka zhvilluar një paraqitje të jashtëzakonshme në La Liga, duke qenë protagonisti kryesor në fitoren e Mallorcas ndaj Athletic Bilbaos. Ndeshja, e vlefshme për javën e 20-të të kampionatit spanjoll, përfundoi me rezultat 3:2 në favor të skuadrës vendase.

Sulmuesi kosovar ishte vendimtar, duke shënuar të tre golat e Mallorcas dhe duke kompletuar një hat-trick të mrekullueshëm. Me këtë paraqitje, Muriqi konfirmoi formën e tij të shkëlqyer dhe rëndësinë që ka për ekipin, duke i siguruar tri pikë shumë të rëndësishme në garën e La Ligës.