Ministri i Punëve të Brendshme, Agim Veliu, është takuar të enjten me sekretarin e Këshillit të Sigurisë së Kosovës, Shpend Terdevaj, me të cilin kanë biseduar për Strategjinë e sigurisë së Kosovës.

Veliu nëpërmjet llogarisë se vet në “Facebook” ka bërë me dije se me Terdevajn kanë diskutuar edhe për zhvillimin e Planit të Reagimit Kombëtar dhe për fusha tjera specifike në sektorin e sigurisë.

“Në takim me sekretarin e Këshillit të Sigurisë së Kosovës, Shpend Terdevaj, biseduam për Strategjinë e sigurisë së Kosovës”.

“Po ashtu diskutuam edhe për zhvillimin e Planit të Reagimit Kombëtar dhe për fusha tjera specifike në sektorin e sigurisë”, ka shkruar Veliu.