Ministri i Mbrojtjes i Shqipërisë, Pirro Vengu, ka pritur në një takim të rëndësishëm me komandantin e Forcës së Sigurisë së Kosovës (FSK), Gjenerallejtënant Bashkim Jashari, në Tiranë.

Në këtë takim është diskutuar për thellimin e bashkëpunimit në fusha të ndryshme, përfshirë trajnimin dhe arsimin ushtarak, zhvillimin e industrisë së mbrojtjes, pjesëmarrjen në stërvitje të përbashkëta dhe angazhimin në nisma rajonale.

Ministri Vëngu, ka theksuar rëndësinë e këtij bashkëpunimi për stabilitetin dhe sigurinë në rajon.

“Së bashku do të punojmë për ta bërë Kosovën pjesë të plotë të arkitekturës së sigurisë euroatlantike”, ka shkruar Vengu në “Facebook”.