Në një kohë kur Evropa po përballet me sfida të reja të sigurisë dhe po hyn në një fazë të ri-armatimit strategjik, është mbajtur konferenca me temën “Siguria Demokratike në një Evropë që ri-armatoset”, e organizuar nga Fondacioni Jean Monnet për Evropë në Lausanne.

Në këtë konferencë mori pjesë edhe Sekretari i Përgjithshëm i Këshilli i Evropës, Alain Berset.

Në mesin e pjesëmarrësve ishte edhe veprimtari Sali Bislimi, i cili theksoi nevojën që Kosova të jetë pjesë aktive e debateve evropiane për sigurinë dhe të kontribuojë në arkitekturën demokratike të kontinentit.

“Konferencë mbi Sigurinë Demokratike në një Evropë që riarmatoset, e organizuar nga Fondacioni Jean Monnet për Evropën. Me Alain Berset, Sekretar i Përgjithshëm i Këshillit të Evropës. Aty ku jam unë, është edhe Kosova – një datë për takim edhe në Strasburg!”, ka shkruar Bislimi në “Facebook”.

Gjatë diskutimeve u nënvizua rëndësia e bashkëpunimit ndërmjet shteteve evropiane për forcimin e sigurisë kolektive, duke ruajtur njëkohësisht standardet demokratike.

Po ashtu, u paralajmërua një datë e re për takim në Strasburg, ku pritet të vazhdojnë diskutimet mbi sfidat aktuale dhe rolin e institucioneve evropiane në garantimin e stabilitetit dhe paqes.