Rinia e Partisë Demokratike të Kosovës ka organizuar një tubim në Prishtinë me rastin e 21-vjetorit të çlirimit të vendit.

Në këtë tubim ka marrë pjesë, kryetari i PDK-së, Kadri Veseli, i cili ka thënë se falë luftës së Ushtrisë Çlirimtare të Kosovës (UÇK) dhe ndihmës se aleatëve perëndimorë sot Kosova është e lirë edhe e pavarur.

“Kosova nuk ju harron kurrë”, ka thënë Veseli, duke shtruar se janë krenarë që i takojnë epokës së UÇK-së, raporton “Epoka e re”.

Në këtë kontekst, Veseli ka falënderuar ShBA-të dhe shtetet anëtare të NATO-s për kontributin e tyre për çlirimin e Kosovës.

Më tutje, Veseli ka bërë me dije se kryeqyteti i Kosovës shumë shpejt do ta ketë shtatoren e komandantit legjendar Adem Jashari.

Veseli në fjalën e tij ka ftuar rinë që të punojnë bashkërisht për ta forcuar shtetin e Kosovës.

https://www.facebook.com/kadriveseliofficial/videos/293553171818296/