Parlamenti i Hungarisë ka rizgjedhur Viktor Orbanin në postin e kryeministrit.

Ky është mandati i tretë radhazi i Orbanit në këtë post, dhe i katërti në përgjithësi.

“Ne kemi zëvendësuar një demokraci liberale me një demokraci të krishterë të shekullit 21, e cila garanton lirinë e njerëzve dhe sigurinë”, është shprehur Orbani para Parlamentit hungarez.

Partia e Orbanit, Fidez ka fituar zgjedhjet parlamentare të mbajtura muajin e kaluar. Fushata e tij elektorale ishte dominuar nga politikat kundër emigrantëve.