Vinicius Jr mund të dënohet me një përjashtim prej dy vitesh nga futbolli nga FIFA për dyshimin se ka thyer rregullat rreth pronësisë së shumë klubeve.

Sipas të përditshmes sportive spanjolle “Marca”, superylli i Real Madrid është tani nën hetim për këtë çështje.

24-vjeçari është i regjistruar si pronar i disa klubeve profesionale të futbollit, të cilat mund të shkelin rregullat ndërkombëtare të futbollit.

Që kur u është bashkuar gjigantëve spanjollë nga klubi brazilian Flamengo në vitin 2018, anësori ka fituar 14 trofe, duke përfshirë dy herë ngritjen e Ligës së Kampionëve dhe tre tituj të La Ligës.

Sulmuesi brazilian ka qenë në formë të shkëlqyer edhe këtë sezon, duke shënuar 21 gola dhe duke dhënë 15 asistime në 47 ndeshje në të gjitha garat.

Megjithatë, jashtë fushës, hetimi i raportuar gjithashtu nga gazetari Gianluca Di Marzio, rrezikon ta detyrojë Real Madridin të planifikojë jetën pa Vinicius Jr.

Gjithçka ka filluar kur Tiberis Holding do Brasil, një kompani braziliane, ka paraqitur një ankesë zyrtare në Komitetin e Etikës të FIFA-s më 7 prill. Ata kanë vendosur ta ngrenë këtë ankesë pasi skuadra braziliane Athletic Club e São João del Rei, një klub në të cilin Tiberis mbante 16.5 për qind të aksioneve është promovuar në Serie B.

Pas promovimit, pronari i Tiveris Willy Francese, ka planifikuar të ushtronte të drejtën e tij të refuzimit të parë për të blerë pjesën më të madhe të Athletic Club.

Megjithatë, aksionet në fakt janë shitur drejtpërdrejt te ALI, kompania e lidhur me Vinicius, duke çuar në gjykatën tregtare të Sao Paulos që pezulloi marrëveshjen për të hetuar.

Por ndërsa hetimet janë duke u zhvilluar, ALI mori kontrollin operacional të klubit, duke zemëruar Tiberisin.

Sipas Tiberis, kjo shkel nenin 20 të Kodit të Etikës të FIFA-s dhe nenin 22 të Kodit të Drejtësisë Sportive të Federatës Spanjolle, të cilët të dy ndalojnë futbollistët aktivë të zotërojnë, drejtpërdrejt ose tërthorazi, klube profesionale të futbollit.

“Vinicius Junior është i regjistruar si pronar i disa klubeve profesioniste të futbollit, të cilat mund të shkelin rregullat ndërkombëtare të futbollit”, ka shkryar “Marca”.

Përveç kësaj, Vinicius është gjithashtu i lidhur me skuadrën portugeze Alverca, duke ngritur shqetësime të mëtejshme për transferimet ndërkufitare të lojtarëve dhe integritetin konkurrues.

Një rast i tillë pa një lojtar – Rafael Conceicao që është transferuar në formë huazimi nga Sao Joao del Rei te Alverca, një transaksion që është thënë se ka intensifikuar interesin e FIFA-s për këtë rast.

“Dënimi maksimal për një shkelje të tillë është një pezullim dyvjeçar”, ka shkruar “Marca”.