Vinicius Junior nuk do të jetë në dispozicion për ndeshjen e radhës së Brazilit ndaj Kroacisë.

Sipas Fabrizio Romano, ylli i Real Madrid ka një shqetësim të lehtë muskulor dhe për këtë arsye stafi teknik ka vendosur të mos rrezikojë me aktivizimin e tij.

Lajmi i mirë për Brazilin është se bëhet fjalë për një problem jo serioz dhe më shumë një masë paraprake për të shmangur ndonjë dëmtim më të rëndë.

Po ashtu, raportohet se Vinicius nuk ka udhëtuar me skuadrën për këtë ndeshje, duke mbetur jashtë grumbullimit pikërisht për t’u rikuperuar plotësisht.

Ai pritet të rikthehet shumë shpejt dhe të jetë gati për sfidat e ardhshme, pa pasoja afatgjata.