Vjosa Osmani: Dëshmuan se jemi të aftë të organizojmë zgjedhje të lira e demokratike

30 nëntor 11:04

Ushtruesja e detyrës së presidentes së Kosovës, Vjosa Osmani, ka reaguar pas zgjedhjeve në Podujevë dhe në Mitrovicë të Veriut.

Osmani nëpërmjet një mesazhi drejtuar medieve ka thënë se Republika e Kosovës ka dëshmuar se është e aftë të organizojë zgjedhje të lira, fer dhe demokratike.

“I uroj të gjithë qytetarët e Podujevës dhe ata të Mitrovicës së Veriut për maturinë e treguar gjatë tërë këtij procesi, përkundër faktit se u realizua në kohë pandemie. Përgëzoj Komisionin Qendror të Zgjedhjeve dhe të gjithë të angazhuarit e tjerë për punën dhe angazhimin e madh me të cilin u arrit organizimi i zgjedhjeve sipas standardeve demokratike. Falënderoj po ashtu përfaqësuesit e shoqërisë civile për angazhimin në vëzhgimin e këtyre zgjedhjeve si dhe mediet për raportimin nga këto dy komuna”, ka thënë në mesazhin e Osmanit.

Mesazhi i plotë i Osmanit:

U.d. Presidentja, dr. Vjosa Osmani me mesazh për procesin zgjedhor në Podujevë dhe në Mitrovicë të Veriut

Osmani: Realizimi i të drejtës në votë, bazament i demokracisë

Republika e Kosovës dëshmoi se është e aftë të organizojë zgjedhje të lira, fer e demokratike, nëpërmjet të cilave qytetarët duke votuar, treguan se e drejta për të zgjedhur dhe për t’u zgjedhur janë bazament i demokracisë dhe respektimit të lirive politike!

I uroj të gjithë qytetarët e Podujevës dhe ata të Mitrovicës së Veriut për maturinë e treguar gjatë tërë këtij procesi, përkundër faktit se u realizua në kohë pandemie.

Përgëzoj Komisionin Qendror të Zgjedhjeve dhe të gjithë të angazhuarit e tjerë për punën dhe angazhimin e madh me të cilin u arrit organizimi i zgjedhjeve sipas standardeve demokratike. Falënderoj po ashtu përfaqësuesit e shoqërisë civile për angazhimin në vëzhgimin e këtyre zgjedhjeve si dhe mediet për raportimin nga këto dy komuna!

Lajme të sponsorizuara

Të fundit
Njohësit e rrethanave politike në vend kanë bërë me dije…