Vjosa Osmanit fqinjët i lanë një mesazh në ashensor

26 mars 10:33

Deputetët e Kuvendit të Kosovës me 82 vota për votuan mbrëmë rrëzimin e Qeverisë së Kosovës të udhëhequr nga Albin Kurti.

Rrëzimi i qeverisë ndodhi pas inicimit të mocionit të mosbesimit nga LDK-ja, mocion ky i cili u mbështet nga 44 deputetë.

E kundër këtij mocioni dhe rrëzimit të qeverisë në këtë kohë kur vendi po përballet me pandeminë e COVID 19 ishte kryetarja e Kuvendit të Kosovës, Vjosa Osmani.

Osmani dje në seancën e Kuvendit mbajti një fjalim të gjatë, në të cilin u deklarua se do të votojë kundër mocionit. Madje ajo tha se është edhe kundër çdo marrëveshje me partitë e PAN-it dhe se nuk do ta thyejë besimin e qytetarëve me asnjë çmim.

E kjo deklaratë e saj ka bërë që fqinjët e saj t’i lënë një mesazh falënderues.

Bashkëshorti i Osmanit, Prindon Sadriu, ka publikuar në “Facebook” letrën me mesazhin falënderues që fqinjët i kishin lënë Vjosës.

Në letrën e vendosur te lifti i banesës ku jeton Vjosa Osmani shkruhej: “Faleminderit Vjosa” dhe bashkë me të ishte edhe një lule.

Lajme të sponsorizuara

Të fundit
Nga Matthew Kroenig Ndërsa COVID-19 po vazhdon të përhapet me…