Udhëheqësi i Qendrës për luftë kundër ekstremizmit në Ungusheti, Ibrahim Eldzharkiev dhe vëllai i tij janë ekzekutuar me armë zjarri.

Mediat ruse kanë publikuar momentin kur dy vëllezërit janë qëlluar nga personi i cili më pas arratiset me shpejtësi. Ngjarja e rëndë ka ndodhur në rrugën Anohina, kurse në video shihet e gjithë skena e krimit makabër.

Pasi i qëllon me plumba, autori i krimit rikthehet sërish për t’u bindur nëse vëllezërit kanë ndërruar jetë apo jo. E gjithë skena e krimit ka zgjatur afro 16 sekonda.

Sipas një burimi, vrasja e Eldzharkiyev është urdhëruar dhe ka të bëjë me aktivitetet e tij zyrtare. Ky është një version i hetimit.

Sipas burimit, kreu i qendrës për të luftuar ekstremizmin e Ministrisë së Punëve të Brendshme të Ingushetia pati një konflikt me grupet fetare ekstremiste të republikës, dhe ai u kërcënua vazhdimisht.