Java e fundit e Ligës së Parë solli emocione dhe ndryshime të mëdha në renditje, me Vushtrrinë dhe Feronikelin që siguruan rikthimin në Superligën e Kosovës.

Rezultatet e ndeshjeve:

• Vëllaznimi 1:3 Vushtrria
• Dinamo 1:5 Liria
• Ramiz Sadiku 0:2 Feronikeli

Me këto fitore, Vushtrria dhe Feronikeli siguruan ngjitjen direkte në elitën e futbollit kosovar.

Ndërkohë, Liria dhe Dinamo do të vazhdojnë garën në ndeshjet e barazhit, ku do të përballen me ekipin e vendit të tetë të Superligës për një vend në elitë sezonin e ardhshëm.

Nga ana tjetër, Vëllaznimi, që deri në javën e fundit ishte në garë për promovim, mbeti jashtë objektivit pas humbjes në shtëpi ndaj Vushtrrisë dhe do të vazhdojë garën edhe sezonin e ardhshëm në Ligën e Parë.