Dega e Aleancës për Ardhmërinë e Kosovës në Kamenicë (Dardanë) do të mbështes kandidatin e Lëvizjes Vetëvendosje!, në raundin e dytë të zgjedhjeve komunale që mbahet më 14 nëntor 2021.

Vendimi është marrë sot gjatë një mbledhje që ka pasur Dega e AKK-së në Kamenicës, ka njoftuar përmes “Facebook”-ut, Faton Jakupi, ish-kandidat për kryetar të kësaj komune nga radhët e kësaj partie.

Në balotazh për zgjedhjen e kryetarit të Kamenicës janë Qëndron Kastrati i PSD-së dhe Kadri Rahimaj i LVV-së.

Në raundin e parë të zgjedhjeve lokale që u mbajtën më 14 tetor 2021, kandidati i AAK-së, Faton Jakupi u rendit 4-ti me 12.64 % të votave.

Postimi i plotë i Jakupit:

Sot në mbledhjen e Këshillit Drejtues së AAK dega në Dardanë, duke u bazuar në Statutin e saj dhe me shumicë votash, u mor vendim, që në garën e balotazhit në zgjedhjet për kryetar të Komunës ta përkrahë kandidatin e VV. Bashkë dhe ndershëm!