Tashmë nuk ka më asnjë dyshim, Timo Werner do të largohet në fund të sezonit nga Leipzig për të bërë hapin e madh në karrierë.

23-vjeçari ka edhe një vit kontratë me klubin, por tani është konfirmuar se bomberi gjerman nuk do ta rinovojë, ndaj dhe drejtuesit janë të detyruar ta shesin atë në verë.

Pothuajse është e konfirmuar edhe që destination i tij i radhës do të jetë Bayern Munchen, të cilët prej kohësh kanë një akord paraprak me agjentin e sulmuesit gjerman.