Pas eliminimit të Barcelonës nga Liga e Kampionëve, talenti Lamine Yamal publikoi një mesazh premtues për tifozët në “Instagram”, ku bëri një premtim se do ta sjell trofeun e Ligës së Kampionëve në Barcelonë.

“Dhamë gjithçka, këtë vit nuk ishte e mundur, por do të rikthehemi, mos dyshoni aspak. Nuk do të ndalemi deri sa ta çojmë këtë klub atje ku e meriton, në majë. Do ta mbaj premtimin tim dhe do ta sjell Ligën e Kampionëve në Barcelonë. Por të dielën kemi një tjetër finale, duhet të jemi të gjithë bashkë. ‘Visca el Barça’!”, ka shkruar Yamal.