Ylli televiziv, Khloe Kardashian, nuk ka aspak turp që të flasë hapur për jetën e saj seksuale.

Gjatë premierës së sezonit të 7-të të “The Kardashians”, nëna e dy fëmijëve dha një përgjigje të sinqertë kur foli për beqarinë e Julia Fox.

Simon Huck, i cili krijoi Lemme me motrën e Khloe-s, Kourtney, po i tregonte Khloe-s për fushatën e ardhshme të markës me Fox , e cila “nuk ka bërë seks prej katër vitesh”.

“Nuk kam bërë seks për më shumë se tre vjet”, rrëfeu më pas Khloe.

Ai nuk mundi ta fshihte tronditjen nga rrëfimi i saj, duke thënë: “Vërtet nuk po del me askënd, Khloe? Nuk ështe  askush në listën tënde?”.

“Jo”, tha ajo, dhe pastaj ai e pyeti nëse kishte ndonjë person të cilit po i dërgonte “DM”, gjë të cilën ajo gjithashtu e mohoi. “Jo. Jo askujt që po i dërgoj mesazh. Nuk kam numrin e telefonit të askujt”.

Producentët e pyetën Kourtney-n, 46 vjeç, se çfarë mendonte për vendimin e Khloe-s për të qëndruar beqare.

“Mendoj se për sa kohë që ke fëmijë të vegjël, nëse nuk ka askush që ia vlen kohën tënde, përqendrohu te fëmijët e tu”, tha ajo, duke miratuar vendimin e motrës së saj.

Gjatë episodit, Khloe dha një përditësim për jetën e saj, ndërsa tha: “Më pëlqen të jem 40 vjeç. Të qenit 40 vjeç ka qenë sensacionale. Dhe jam e emocionuar”.