Zëdhënësi i PDK-së: Do të jem në dispozicion të medieve

Zëdhënësi i PDK-së, Faton Abdullahu, ka siguruar mediet se do të jetë në dispozicion të tyre për ta pasqyruar realitetin në Kosovë.

Në profilin e tij në “Facebook”, ai ka shkruar se ndihet i nderuar që i është dhënë besimi për ta kryer këtë detyrë të rëndësishme dhe të ndjeshme.

“Për mua, ky vlerësim i Kryetarit Krasniqi, pashmangshëm merr edhe dimension të përgjegjësisë dhe ndjeshmërisë së shtuar, sidomos kur e mendoj se po bëhem zëdhënës i një subjekti politik, shumë pjesëtarë të së cilës në orët e liga për Kosovën, ishin zë dhe burim i guximit, themeluan UÇK-në dhe me gatishmëri e përkushtim, së bashku me aleatët ia sollën lirinë vendin tonë”, ka shkruar Abdullahu.

Postimi i plotë i Abdullahut:

Vendimi i Kryetarit të Partisë Demokratike të Kosovës z. Memli Krasniqi, për të më emëruar zëdhënës të Partisë, më ka nderuar shumë me besimin për ta kryer një detyrë sa të rëndësishme aq edhe të ndjeshme.

Për mua, ky vlerësim i Kryetarit Krasniqi, pashmangshëm merr edhe dimension të përgjegjësisë dhe ndjeshmërisë së shtuar, sidomos kur e mendoj se po bëhem zëdhënës i një subjekti politik, shumë pjesëtarë të së cilës në orët e liga për Kosovën, ishin zë dhe burim i guximit, themeluan UÇK-në dhe me gatishmëri e përkushtim, së bashku me aleatët ia sollën lirinë vendin tonë.

Kjo përgjegjësi, në këtë detyrë të re, për mua, bëhet edhe më e madhe kur e mendoj se jam bërë zëdhënës i subjektit politik i cili që nga paslufta bart meritën kryesore të shtetndërtimit, zhvillimit dhe demokratizimit të Kosovës, në themelet e së cilës qëndrojnë breza të tërë veprimtarësh, aktivistësh dhe kontribuesish për shtetin dhe kombin.

Siguroj mediat se do të jem në dispozicion të tyre pandalshëm që të vërtetën tonë mbi realitetin në Kosovë dhe jo vetëm, ta transmetojmë bashkë dhe drejtë tek qytetari.

Dua të falënderoj të gjithë kontribuuesit e lirisë tonë, në veçanti ata që padrejtësisht sot janë privuar nga liria dhe nuk janë këtu me ne, duke ju siguruar se puna dhe përkushtimi im, do të jenë në shërbim të interesit nacional, vizionit të subjektit politik, PDK-së dhe kulturës demokratike.

Faleminderit, bashkë, për Kosovën!

Ambasadorët e Kosovës – Përfaqësim pa përmbajtje

12 qershori 1999 dhe 12 qershori i vitit 2025

Zëdhënësi i PDK-së: Do të jem në dispozicion të medieve

Lajme të sponsorizuara

Të Fundit

13 qershor22:34

AGK-ja e mirëpret aktakuzën ndaj deputetit Slavko Simiq për sulmet ndaj gazetarëve në veri

13 qershor20:49

Kryeministri Kurti vizitoi familjen e Arbnor Spahiut

13 qershor20:37

Më 14 qershor në Drenas zbulohet shtatorja e Heroit Asllan Fazliu

13 qershor18:37

Prokuroria ngrit aktakuzë ndaj deputetit të Listës Serbe Slavko Simiq për sulm ndaj gazetarëve në vitin 2023

13 qershor18:21

Anulohen fluturimet Tiranë-Tel Aviv, mbyllet edhe ambasada në Tiranë

13 qershor18:16

Hoxha Cen Bala del në mbështetje të Arian Tahirit dhe kritikon Armend Mujën

Ambasadorët e Kosovës – Përfaqësim pa përmbajtje

12 qershori 1999 dhe 12 qershori i vitit 2025