Presidenti ukrainas, Volodymyr Zelensky, ka thënë se një kundërofensivë e shumëpritur kundër trupave ruse “do të ndodhë”.

“Do të ketë një kundërsulm”, ka thënë Zelensky, derisa u ka folur gazetarëve nga Finlanda, Danimarka, Suedia dhe Norvegjia. Një video e intervistës është shpërndarë në llogarinë e tij në “Telegram”.

“Ne po përgatitemi për të. Do të ndodhë”, ka thënë ai, raporton “CNN”.

Zelensky ka thënë se  beson në suksesin e misionit dhe se “ne do të jemi në gjendje të çlirojmë territoret tona”.

Por presidenti ukrainas ka thënë se ai “nuk është i gatshëm të thotë në detaje se kur do të ndodhë dhe si”.

Ukraina ka ende nevojë për “armë të caktuara”, ka thënë Zelensky, dhe rreziku kryesor për trupat e tij është nëse ata do të kenë mjaftueshëm municione që u nevojiten.