Mes një skandali të madh korrupsioni në sektorin e energjisë, ministrat e drejtësisë dhe energjisë të Ukrainës kanë dhënë dorëheqjen me kërkesë të presidentit ukrainas, Volodymyr Zelensky.

Ministri i Drejtësisë, Herman Haluschenko dhe Ministrja e Energjisë, Svitlana Grincuk paraqitën dorëheqjet e tyre.

Zëvendësimet e tyre tani duhet të miratohen nga parlamenti, transmeton Klankosova.tv 

Byroja Kundër Korrupsionit e Ukrainës (NABU) njoftoi të hënën se po heton sektorin e energjisë së vendit, pasi një rrjet ryshfeti me vlerë 100 milionë dollarë u zbulua në centralin shtetëror bërthamor.

Hetuesit e NABU-së kontrolluan shtëpitë e Ministrit të Drejtësisë Herman Halushchenko, i cili më parë drejtonte Ministrinë e Energjisë, dhe Timur Mindich, bashkëpronar i studios Kvartal 95 dhe ish-partner biznesi i Volodymyr Zelensky.

Mindich u largua nga Ukraina pak para se të shpërthente skandali. Ministrja e energjisë nuk është emëruar zyrtarisht në hetim, por konsiderohet e afërt me paraardhësen e saj, raportojnë mediat ukrainase.