Opozita shqiptare do të mbështesë ish-ambasadorin Blerim Reka, si kandidat i pavarur për president të Maqedonisë së Veriut.

Reka i cili ka njoftuar për shpalljen e kandidaturës së tij, do ta ketë mbështetjen e Lëvizjes Besa dhe Aleancës për Shqiptarët (ASh) për grumbullimin e nënshkrimeve të nevojshme për kandidaturë.

Lideri i ASh-së, Ziadin Sela, ka thënë se marrëveshja me opozitën ka për qëllim që shqiptarët të mos i bëjnë thjeshtë votues, por vendimmarrës.

Partnerët e koalicionit qeveritar LSDM dhe BDI janë duke e mbajtur të fshehur emrin e kandidatit të përbashkët për të cilin mbrëmë janë pajtuar Zoran Zaevi dhe Ali Ahmeti. / Alsat-M/