Pritja ka marrë fund. “El Clasico” i parë i këtij sezoni është caktuar.

Real Madridi dhe Barcelona do të përballen të dielën, më 26 tetor, në orën 16:15, në “Santiago Bernabeu”. Kjo ndeshje do të vlejë për javën e dhjetë të LaLigas.

Reali, i renditur në krye të tabelës, po kalon një moment fantastik. Trajneri spanjoll ka regjistruar gjashtë fitore në gjashtë ndeshjet e para të kampionatit, ndërsa ka debutuar me fitore edhe në Ligën e Kampionëve kundër Marsejës. Kylian Mbappe është në formë të lartë, Franco Mastantuono ka shënuar golin e parë në La Liga, Arda Guler duket se po ringjallet nën drejtimin e Xabi Alonsos, ndërsa Vinicius Jr. ende është në kërkim të formës më të mirë.

Nga ana tjetër, Barcelona përballet me mungesa të rëndësishme. Gavi do të mungojë për katër deri në pesë muaj, ndërsa Lamine Yamal gjithashtu nuk është në dispozicion. Megjithatë, skuadra e Hans i Flick ka gjetur stabilitet dhe ka filluar të bindë në kampionat.

Kujtojmë se trajneri gjerman fitoi katër nga katër përballjet me Real Madridin sezonin e kaluar dhe synon ta vazhdojë këtë seri pozitive. /RTKlive