Ministrja e Integrimit Europian, Dhurata Hoxha, ka thënë se njohja e Kosovës vazhdon të jetë kusht i pandryshuar i Evropës për Serbinë.

“Nëse Serbia dëshiron të anëtarësohet në Bashkimin Evropian duhet patjetër ta njohë Kosovën”, ka thënë ajo në në “T7”.

Sipas saj, synimi i Kosovës është njohja reciproke në fund të dialogut në mes të dy vendeve.

Hoxha u shpreh e bindur se Asociacioni i Komunave me shumicë Serbe do të formohet sipas ligjeve të Kosovës.

“Asociacioni apo statuti i Asociacionit do të bëhet pikë për pikë sipas ligjeve të Kosovës”, ka thënë ajo.