Kryeparlamentari Veseli takon komunitetin shqiptar në Kroaci

08 Shkurt 14:30

Kryetari i Kuvendit të Republikës së Kosovës, Kadri Veseli, i shoqëruar nga ambasadori i Kosovës në Zagreb, Gëzim Kasapolli, ka takuar përfaqësuesit e bashkësisë shqiptare në Kroaci.

Në këtë takim, kryeparlamentari Veseli është njoftuar nga përfaqësuesit e komunitetit shqiptar për të arriturat e tyre dhe për mundësitë e lidhjes më të madhe mes tyre dhe institucioneve të Kosovës në të gjitha fushat.

Kreu i Kuvendit të Kosovës i ka njoftuar përfaqësuesit e bashkësisë shqiptare për të arriturat e Republikës së Kosovës dhe për mundësinë e thellimit të bashkëpunimit me shtetin kroat, për tu krijuar qytetarëve kosovarë që jetojnë në Kroaci mundësi të reja, si në fushën e arsimit, po ashtu edhe në integrim më të madh në institucionet kroate.

“Biseduam për fuqizimin e lidhjeve midis institucioneve të Kosovës me qytetarët tanë që jetojnë dhe veprojnë në Kroaci. Komuniteti shqiptar në Kroaci është i fuqishëm ekonomikisht dhe punëson mijëra punëtorë. Ata shprehën gatishmërinë të gjejnë mënyra që bizneset e tyre t’i shtrijnë edhe në Kosovë”, ka thënë Veseli pas takimit me përfaqësuesit e bashkësisë shqiptare në Kroaci.

 

Lajme të sponsorizuara

Të fundit
Të fundit
Instituti Demokratik i Kosovës (KDI), sot ka prezantuar rezultatet nga…