Hoti: Nëse kalon demarkacioni i 2015-s, do të kërkohet përgjegjësi për vonesën trivjeçare

03 Shkurt 16:13

Shefi i grupit parlamentar të LDK-së, Avdullah Hoti, konsideron se nëse përmbyllet çështja e demarkacionit Qeveria do të duhej të kërkonte falje për vonesën trivjeçare.

Postimi i plotë i tij në llogarinë e vet në Facebook:

Në përfundim të afatit për ratifikimin e demarkacionit, në mënyrë që kosovarët të lëvizin lirshëm në BE, nga Qeveria paralajmërohet gjetja e një ‘zgjidhjeje’. Është e qartë se me këtë ‘zgjidhje’ zyrtarët e Qeverisë ju referohen neneve të marrëveshjes së vitit 2015, të cilët garantojnë rishikimin e saj në rast se paraqiten fakte të reja.

Ta kenë të qartë se nëse kjo ‘zgjidhje’ është ratifikimi i marrëveshjes së vitit 2015, kjo nuk mund të kalojë pa përgjegjësi për vonesën 3 vjeçare të liberalizimit të vizave, djegies së institucioneve dhe dëmtimit të imazhit publik të Kosovës.

LDK-ja e voton marrëveshjen e demarkacionit, por ata që kanë ardhur në pushtet duke e kundërshtuar me dhunë këtë marrëveshje, duhet t’ju kërkojnë falje kosovarëve. Ata duhet që menjëherë pas ratifikimit të marrëveshje, ta dorëzojnë pushtetin tek sovrani, i cili me një votim të ri do të vendosë se kush duhet ta udhëheq Kosovën drejt të ardhmes evropiane.

Koalicioni ekzistues qeverisës ka ardhur në pushtet për të marrë ‘vendime të mëdha’. Duket se i vetmi vendim i madh që ju ka mbetur të marrin është ‘kërkimi i faljes’ ndaj qytetarëve për dëmin që ju kanë shkaktuar. Sigurisht se për këtë vendim të madh të kërkim faljes duhet shumë guxim qytetar dhe intelektual.

Lajme të sponsorizuara

Të fundit
Të fundit
Policia e Kosovës ka shqiptuar mbi 30 mijë dënime në…