16-vjetori i Pavarësisë së Kosovës, për Shqiponjën ishte ditë shumë e veçantë. Në Kompleksin Memorial të Dëshmorëve, nga tani, do të pushojnë edhe dy trima heronj, Beat Coli nga Beci dhe Gjergj Krasniqi nga Nepola.

Ish-deputeti i Kuvendit të Kosovës, gjenerali i UÇK-së, Lahi Brahimaj, me ketë rast ka theksuar se Ushtria Çlirimtare e Kosovës, meritorja për 17 shkurtin, kishte në mesin e saj vasha e djem, guximtarë e sypatrembur, që nuk kursyen asgjë për lirinë.

“Sot, me urim të veçantë për familjet Krasniqi e Coli, uroj të gjithë shqiptarët për këtë ditë të madhe”, ka shkruar Brahimaj në “Facebook”.