Ashtu sikurse në Superligën e meshkujve, sot (e shtunë) titulli i kampiones mund të vendoset edhe në Superligën e femrave.

Istogu ndeshjen e parë e fitoi me rezultat bindës ndaj Vushtrrisë (32-23), kurse sot do t’i mjaftojë edhe barazimi që të shpallet kampione për herë të parë në histori të klubit.

Në anën tjetër, ndeshjen synon ta fitojë edhe skuadra e Vushtrrisë, e cila është në kërkim të rikthimit të trofeut në rangun elitar të hendbollit në Kosovë. Kjo ndeshje zhvillohet në Vushtrri nga ora 17:00.

/Epoka e re/