“Triumf Riza ishte shok e njeri i paharrueshëm – me karakter të fortë, vullnet të hekurt dhe afërsi njerëzore që e bënin të veçantë. Kështu e kujtoj që nga ditët e shkollës së mesme, ku dallohej për seriozitet, por edhe për miqësinë e vërtetë”, ka shkruar në Facebook kryetari i PDK-së, Memli Krasniqi derisa ka përkujtuar shokun e tij, Triumfin në 18-vjetorin e vdekjes.

“Më vonë, këto virtyte i shfaqi edhe në Policinë e Kosovës, duke u bërë një nga policët më të aftë të brezit të parë në luftën kundër krimit të organizuar”.

“Më 30 gusht 2007, jeta e tij u shua tinëzisht e pabesisht, duke lënë pas dhembje të pashuar për familjen dhe për të gjithë ne. Edhe sot, pas 18 vitesh, drejtësia ende nuk ka thënë fjalën e vet”, ka shkruar Krasniqi.

“Triumf, do të të kujtojmë përherë, me respekt e krenari, shok i dashur”, përfundon postimin Krasniqi.