Gjatë vitit 2018 arsimin në Kosovë e karakterizuan ngjarje të ndryshme. 

Literatura shkollore që po vlerësohet si sfidë tash e sa vite, gjatë vitit që shkoi ka filluar të ndryshojë.

Madje, për herë të parë me literaturën e re shkollore, edhe mësimdhënësit do të pajisen me libra.

Në një intervistë për “Kosovapress”, Ministri i Arsimit, Shyqiri Bytyqi, ka treguar planet për vitin 2019, e njëherësh ka folur rreth projekteve që karakterizuan 2018-n.

Lidhur me tekstet shkollore që pavarësisht gjuhës seksiste e raciste, kanë vazhduar të ribotohen, Bytyqi thotë se po punojnë që vitin e ardhshëm t’i përfundojnë tekstet e reja, për të cilat premton se do t’u kushtojnë vëmendje të shtuar që të mos ketë lëshime të tilla.