Sonte kanë arritur në Kosovë dozat e para të vaksinës kundër Covid-19.

Bëhet fjalë për 24.000 doza të vaksinës së prodhuar nga “AstraZeneca”, të cilat Kosova i ka pranuar nga programi COVAX i Organizatës Botërore të Shëndetësisë.

Në Aeroportin Ndërkombëtar të Prishtinës “Adem Jashari”, një aeroplan i kompanisë, Turkish Airlines, ka sjell dozat e vaksinës, të cilat kanë ardhur nga Amsterdami përmes Stambollit.

Kryeministri i Kosovës, Albin Kurti ka thënë se arritja e këtij kontigjenti do të mundësojë shpëtimin e jetës së njerëzve.

Nga COVAX-i, në total Kosova do të marrë falas 100.800 doza të vaksinës kundër Covid-19 të kompanisë “AstraZeneca”.

Its here! Good luck to all of us! Heartfelt thanks to @EUKosovo @GermanAmbKOS @UKinKosovo @USEmbPristina @ItalyinKosovo @FranceauKosovo pic.twitter.com/7k2nXJ9CrO

— UNICEF Kosovo Programme (@UNICEFKosovo) March 28, 2021