Nail Hoxha është mërgimtari i cili erdhi nga Franca për të festuar Kurban Bajramin në Kosovë.

Ai këtë udhëtim e ka bërë bashkë me gruan e tij, me të cilën janë gati të presin mysafirë për këtë festë.

“Kam ardhur me gjithë shoqen, sot prita mysafirë për urime, por deri tash nuk erdhi askush, e dola në qytet”,  ka thënë Hoxha.

Mërgimtari ka treguar se atmosfera familjare e festës nuk dallon as kur e festojnë në Francë, përcjell “Klan Kosova”.

“Atmosfera nuk dallon në mesin tonë, në mesin e shqiptarëve, se kemi të njëjtat zakone”, ka thënë ai.

Por, Hoxha ka theksuar se atmosfera e përgjithshme ka një dallim të madh.

“Atje jemi një pakicë e vogël edhe shihemi shumë rrallë më njëri-tjetrin se jemi edhe të shpërndarë, por pothuajse në çdo qytet ka shqiptarë”, ka thënë ai, duke shtuar se nga viti 1999 vjen pothuajse çdo vit në Kosovë, ku edhe i kalon pushimet verore.