Kuvendi i Kosovës ka filluar seancën e radhës plenare, në të cilën është duke u diskutuar për zhvillimet në dialogun Kosovë-Serbi.

Kryetari i AAK-së, Ramush Haradinaj, në fjalën e tij para deputetëve ka thënë se çështja e dialogut është interes nacional, por sipas tij, dialogu sot është kthyer në dialog të teknikëve.

“Udhëheqësit e sotëm të vendit, që dikur e kundërshtonin ashpër dialogun, sot krenohen për dialogun e teknikëve me tema të ricikluara. AAK-ja ka propozuar një mocion, me të cilin obligohet qeveria që të mos vazhdojë me këtë lloj dialogu, por të dialogojë për marrëveshjen përfundimtare gjithëpërfshirëse”, ka thënë Haradinaj.