Presidentja e Kosovës, Vjosa Osmani, është takuar me homologun e saj turk, Rexhep Tayip Erdogan, në Forumin Diplomatik të Antalias.

“Kam kënaqësinë të marrë pjesë në Forumin Diplomatik të Antalias. Ceremonia e hapjes nisi nga presidenti Erdogan. Mesi pres të takoj liderë të tjerë botërorë për të ritheksuar domosdoshmërinë e #Meet4Diplomacy në dritën e zhvillimeve të fundit, si dhe për të promovuar agjendën e fortë euroatlantike të firmës”, ka shkruar Osmani në “Twitter”.

Forumi Diplomatik i Antalisë është takim i nivelit të lartë, në të cilin adresohen sfidat ndërkombëtare dhe në të cilin marrin pjesë liderë shtetesh, diplomatë, opinionbërës dhe akademikë.

Tema e këtij viti e Forumit të Diplomacisë së Antalisë është “Rikodimi i diplomacisë”.

Ky Forum do t’i zhvillojë punimet prej 11 deri më 13 mars dhe do të marrin pjesë përfaqësues nga rreth 70 shtete.